Deprecated: preg_replace(): The /e modifier is deprecated, use preg_replace_callback instead in /home/vusers/domains/seiltur.no/wwwdocs/tempest/wp-includes/formatting.php on line 74
Strict Standards: call_user_func_array() expects parameter 1 to be a valid callback, non-static method GeoMashup::the_content() should not be called statically in /home/vusers/domains/seiltur.no/wwwdocs/tempest/wp-includes/plugin.php on line 57
Så nærmer Påska 2008 seg slutten, og arbeidslaget er i gang med opprydding etter alle montasjejobbene.
Vi er veldig nøgde med alt vi har fått gjort!
Arnt har skifta nesten alt av kablar i båten, og lagt opp nye til all elektronikken som skal inn. Det er ingen liten og enkel jobb han har stått for, det kan nok alle som har prøvd å ettertrekke kabel i båt skrive under på!
Bengt har jobba to fulle dagar i batterikassa, heller ingen enkel jobb med den dimensjonen som trengs på kablar der.
Pappa har montert mange fikse detaljar som forenklar livet ombord og nokon løysingar for auka sikkerheit.
Sjølv har eg hatt full hyre med å skaffe alt som trengs og manglar undervegs, og elles assistert med kopling og montering etter beste evne.
På badet har vi lagt om sjøvassinntaket slik at det ikkje skal kunne fungere som en hevert dersom ein pakning i pumpa ryk. Vi har også montert holdar på skapdøra som hindrar den i å stå å slamre i sjø.
Ei smart løysing som eg fekk tips om frå Frode Lund (skipper på Mango) var å montere hengslar og springfjørholdar på lukene under madrassene i forpiggen. Genialt!
Vi har også montert rullegardin, som av ein eller annan merkelig grunn ikkje fantes på akterlugarar og bad.
Over kartbordet har vi fått inn ein batterimonitor for å kunne ha kontroll med lading og forbruk. Vi har også satt inn ein repeater av instrumenta ute for vind, fart og pilot, samt ein gassalarm som skal varsle om det lek frå det anlegget.
Det satt ein Valeo 60Amp dynamo i båten. Denne har vi skifta til ein ny på 90Amp.
I tillegg til å skifte dynamoen har vi montert inn ein Sterling PDAR regulator for å få utnytta dynamoen betre. Dette har vi stor tru på, blir spanande å sjå kor effektivt vi no kan lade for motor!
For lading på landstraum har vi satt inn ein Sterling 50Amp 4 stegs ladar. Den kan vi også fyre med vårt Kipor bensinaggregat.
Batteribanken på 4 x 100Ah AGM forbruksbatteri samt 1 x 80Ah AGM startbatteri . NB: bildet er tatt før oppryddinga av kablane var komplett.
Autopiloten og AIS-boksen som varslar om store skip på kollisjonskurs. Nokon som veit om ein boks som får autopiloten til å svinge utanom dei store skipa og??
Fjernavstenging av gassbeholdaren. Med denne brytaren stenger vi ventilen for gass heilt ute ved beholdaren. Fint å sleppe å ha trykk på rør og slangar inne i båten.
Over Pantry har vi montert ei LED lyslist. Vi har no kun eit lyspunkt i båten som ikkje er LED, og det over skapet på badet. Det er for at vi skal kunne sjå kor brune vi blir etterkvart som sola får jobba 
LED lyset er litt “kvitt” i forhold til vanleg belysning.
I tilfelle uvær og kraftig sjøgang har vi montert lås på alle luker. Det er greit at ting held seg der dei skal om båten får eit kraftig legg.
Også mannskapet skal helst halde seg i båten når været står på, så vi har montert gjennomgåande fester for sikkerhetsliner som skal brukast når vi er ute.
Andre modifikasjonar som er gjort er montering av ny VHF, sikring av redningsflåte med gjennomgåande boltar etter oppskrift frå Morten Berg (skipper på EmBlem) samt ny dekksgjennomføring for kablar frå masta. Ute vart det diverre ikkje vær til å ta den tradisjonelle båtpussen, så den får stå igjen til vinteren har bestemt seg for å sleppe våren til for godt. Det same gjeld montering av DuoGen og radarmast.
Det er Arnt som har vært sjefen ombord denne Påska. Han er skipselektrikar på Tempest og det har vært hovedfokus desse dagane. Her skissar han opp anlegget før oversending til Bengt som skal teikne alt inn på data. Laminert utgåve blir liggande i båten for enkelt å kunne feilsøkje når noko ikkje fungerer. I tillegg er alle kablar merka i begge endar. Det er ein trygghet for turen at vi no kjenner kvar einaste kabel som går rundt om i båten.
For dei spesielt interesserte kjem vi tilbake med meir detaljert beskrivelse av dei ulike løysingane vi har valt når vi har fått reinteikna og digitalisert skjema.
Det har vert svært behagelig å kunne overlate ansvaret til mine brør som veit kva dei driv med. Eg er imponert over kor fint og profesjonelt alt blir når dei som har erfaringa får jobba! Når Pappa også kom for å hjelpe til vart vi jo heile familien samla i båten, ei Påskefeiring heilt etter min smak 
Onninen Express avdeling Florø har sponsa kablar og koblings- materiell.
3 kommentarer til “Påska 2008”