Ein god og ein dårleg nyhet….

Vel… som sagt i går hadde vi ein del å førebu til i dag. Tidevatn og strøm for dagens seglas, samt ein bilspelkamp mot Jørgen og Magnus i EmBlem.

Vi får starte med det positive, vi enda opp i Zeebrugge i Belgia (vi antar i allefall det, EmBlem låg her når vi kom, og det var dit dei skulle…). Berekninga av tidevatnet har vi begynt å få taket på, og vi hadde medstraum heile vegen! Sjølvsagt var vinden rett i mot, men det har vi begynt å venne oss til. Får berre håpe den snur til vi skal heimatt ;-)

Team Tempest er engasjerte i kamp!Det vi bomma litt på i går var forberedelse til dagens store bilspelkamp. Overgangen frå kabal på PCen til bilspel på PlayStation viste seg å vere større enn vi trudde. Det er berre å legge seg flate og gratulere Jørgen og Magnus med ein overlegen seier! Men vi skal ha for engasjementet… (se bilete)

No ligg vi i ein marina innerst i ei stor industrihamn, og planen er å gå ned til Calais i morgon. Måndag kryssar vi den engelske kanal og tar forhåpentlegvis i mot Bengt og Inga som blir med å segle oss i posisjon til å krysse Biscaya. Om veret står den kjekke bi startar vi overfarten rundt slutten av neste helg eller starten på den veka.

Ellers har vi satt opp PlayStation på ønskelista, her må vi berre i hardtrening!

2 kommentarer til “Ein god og ein dårleg nyhet….”


Skriv en kommentar