Arkiv for april, 2009
Overseglinga tilbake til St.Martin gjekk fint. Nesten ingen vind, berre akkurat nok til å få litt støtte i storseglet så vi ikkje vagga so mykje. Motor gjennom natta, og trygt framme på St.Martin tidleg morgon. Her er det forberedelsar for kryss som pregar stemninga.
Mykje Honey-navn her borte, og denne gongen har vi funnet ei strand som heiter Honeymoon Beach. Det er på St.John, og vi gikk hit fordi Fredrik på Rattata sa det var eit av dei beste snorklestedene då han var her sist for 12 år sidan.
Etter nokre fine dagar i Honneymoon Bay var det på tide å få handla litt igjen. Vi gjekk til Charlott Amalie som er hovudstaden på St.Thommas, og ei svær Cruisskip havn. Her har dei masse store Amerikanske bilar, taxfreeshopping, massevis av souvernierbutikkar, og ein elektronikkbutikk. Der var vi.
Etter 14 dagar med Karibienpåske var det tid for Anja å reise heim at. Vi gjekk over til Cane Garden Bay på Tortola for å sende resten av mannskapet på Fullmoonparty på Bomba’s Surfside Shack, medan vi tok ein siste roleg kveld i båten. Vi fekk ikkje vist Anja nokon delfinar her heller, det har vert lite av dei i Karibien, men skilpadder som svømmer mellom båtane er jo litt eksotisk det og…
“Alle” har vel høyrt om Soggy Dollar Bar? Ikkje? Vel, på eit av dei flottaste kvite strendene i karibien, på øya Jost van Dyke, ligg baren der dei fann opp drinken Painkiller. Der er ingen plass å gå i land på, anna enn via stranda, så tradisjonen er at man tar med nokre dollar i badebuksa og svømmer inn. Det er grei skuring, utfordringen er når man etter nokre fantastiske Painkillerdrinkar skal svømme ut att…
Anegada er eit av desse øyene som ikkje stikk langt over havet. Etter ein flott seglas i lag med Saga-Tiba, Pigalopp og ein norsk charterbåt var palmer som såg ut som dei vokste rett opp av havet det første teiknet på at vi nærma oss land.
No har det gått ei stund sidan sist, men mykje har skjedd. Kapteinen forlot skuta og tok seg ein liten “ferietur” til St.Martin for å hente Anja som har tatt påskeferien på Tempest. Deilig med hotell, dusj og boblebad, så vi kosa oss der nokre ekstra dagar.
Onninen Express avdeling Florø har sponsa kablar og koblings- materiell.
