Deprecated: preg_replace(): The /e modifier is deprecated, use preg_replace_callback instead in /home/vusers/domains/seiltur.no/wwwdocs/tempest/wp-includes/formatting.php on line 74
Strict Standards: call_user_func_array() expects parameter 1 to be a valid callback, non-static method GeoMashup::the_content() should not be called statically in /home/vusers/domains/seiltur.no/wwwdocs/tempest/wp-includes/plugin.php on line 57
No har det gått ei stund sidan sist, men mykje har skjedd. Kapteinen forlot skuta og tok seg ein liten “ferietur” til St.Martin for å hente Anja som har tatt påskeferien på Tempest. Deilig med hotell, dusj og boblebad, så vi kosa oss der nokre ekstra dagar.
Tilbake på Tempest var Arnt, Henrik og Renate. Arnt og Henrik meldte seg opp til PADI OpenWater sertifisering, og har soleis utforska undervansfloraen her nede på djupare vatn. Strålande nøgde begge to når vi plukka dei opp på Peters Island etter siste dykket. Begge vart sertifiserte, og det på ein site som er klassifisert som eit av verdas 10 flottaste.
Det viste seg at Pigalopp og Saga-Tiba fortsatt var i området, og ingen av dei hadde sett The Baths enno. Vi avtalte dermed å treffe dei der. Vi har lagt to dagar på bøye utanfor denne utrulege stranda med alle dei store steinblokkene, og har kosa oss felt.
Den 2. april hadde kapteinen bursdag, så då spurte Morten på Saga-Tiba parkvoktarane om vi kunne få lov til å grille på denne spesielle stranda om kvelden. Det vart blankt avvist, men Morten lova på tru og ære at vi var gode nordmenn, ikkje støyande og brautande amerikanarar. Ved å love full opprydding fekk han tilslutt lov, og kapteinen på Tempest fekk den feiringa han drøymde om.
I morgon har vi planar om å gå oppover til Anegada, der Arnt har ein draum om å kunne få sjå rosa flamingoar. Vi reknar ikkje med det er nett der oppe, men følg med, vi kjem tilbake med bilete og rapport så snart vi er på nett igjen. So long
0 kommentarer til “Ferie, dykking og bursdagsfeiring”