Deprecated: preg_replace(): The /e modifier is deprecated, use preg_replace_callback instead in /home/vusers/domains/seiltur.no/wwwdocs/tempest/wp-includes/formatting.php on line 74
Strict Standards: call_user_func_array() expects parameter 1 to be a valid callback, non-static method GeoMashup::the_content() should not be called statically in /home/vusers/domains/seiltur.no/wwwdocs/tempest/wp-includes/plugin.php on line 57
Overseglinga tilbake til St.Martin gjekk fint. Nesten ingen vind, berre akkurat nok til å få litt støtte i storseglet så vi ikkje vagga so mykje. Motor gjennom natta, og trygt framme på St.Martin tidleg morgon. Her er det forberedelsar for kryss som pregar stemninga.
Vi gjekk inn og la oss nokre dagar inne i marinaen innerst i lagunen på Fransk side. Ein koseleg liten by, ekstra koseleg fordi vi fungerte som dinghydock for alle dei andre norske båtane og dermed fekk masse kaffigjestar. Ruffen, Leikaren, Motgang, Pigalopp, Yr, Rattata, Mari, Orion og sikkert fleire ligg alle her no for å forberede krysset tilbake til Europa. Stemningen er litt som då vi låg i LasPalmas og forbereda oss til vårt første Atlanterhavskryss. Alle fiksar og ordner, og dialogen går tett på kanal 72 (73 er reserve SAR kanal på denne øya) om kor ein kan få tak i og fiksa alt mulig. Men tid til ein kaffi eller øl innimellom har vi sjølvsagt alle 
Sjølv har vi fått tatt ein proff riggsjekk. Dei fann heldigvis alt i orden, det blir fort dyrt når dei gutta finn feil. Vi har gått igjennom koblingane på elektronikk som har juksa litt, og vi held på med å demontere og smøre opp igjen alle vinsjane. Det som gjennstår er eigentleg ein siste gjennomgang av tauverk og rens/smøring av blokker, samt sjølvsagt eit ikkje heilt uvesentleg punkt; proviantering. Det blir litt lettare no som vi berre skal vere tre på krysset, men krever likevel god planlegging. Sjølvsagt har dei funnetpå å legge Bankholliday rett før vi skal reise, så vi driv no og sjekkar når tid siste opningsdag på dei store butikkane før vårt kryss blir.
På same vis som i Las Palmas legg vi også her opp til litt feiring før vi legger ut. Den 28.april blir det samling for alle norske (og alle andre som vil) som skal krysse over på ein strandbar med bål på stranda, og den 30. er det karneval i hovudstaden. Det blir litt moro i og med vi har klart å gå glipp av alle andre karneval her i Karibien. Det er også den dagen Renate og Henrik reiser heim, og Odd Jarle Østvik og Kari Klocke mønstrar på for å segle med til Azorene.
I lag med Pigalopp har vi tatt initiativ til å lage eit mailnett for båtane som seglar over. Alle rapporterar til ei adresse klokka 12:00 UTC, og får svar tilbake innan 18:00 UTC med posisjon og rapport frå dei andre som er utpå. Det er ikkje berre sosialt moro, det er også ein sikkerhet i å vite kven som er i nærheten dersom ein treng assistanse av noko slag. Vi kjem også til å plotte alle båtane sin posisjon kvar dag på www.seiltur.no/atlanterhavet slik at folk heime kan følge med etterkvart som vi seglar. Dersom det skulle være båtar som skal segle over som ikkje har fått mail om dette frå oss eller nokon andre, så er det berre å ta kontakt.
I dag er det rekognoseringsrunde for å finne gode butikkar å proviantere i. Karibienpreioden har vert ei heilt fantastisk tid, men no har eg blitt veldig klar for å få Tempest inn i langturseglarmodus igjen 
Onninen Express avdeling Florø har sponsa kablar og koblings- materiell.
9 kommentarer til “St.Martin igjen, klargjøring til havkryss”