Tempest

Så begynner ting å falle på plass igjen her. Skal vel ikkje skyve under ein stol med at det har mykje med at 1.st Mate Arnt har mønstra på igjen å gjere… Hard start, rett i gang med jobblista for å få Tempest “in shape again” etter to havkryssetapper.

Ikkje at vi ikkje jobba vi andre og… Caroline vaska og sto i, medan eg laga Bacalao. Det er ein fin rett å lage. Legg fisken i bløyt og vent på sofaen til den er passe usalt (rundt 10 timar går fint om du skiftar vatn ofte). SÅ kuttar du opp alt som skal i, hiv i gryta og finn sofaen igjen. Ein time eller halvannan, og du kan be dei andre om å dekke bordet

Kinsale er ein flott og fargerik middelalderby. Fokuset vårt var nok ikkje heilt å vere turistar, men vi fekk sendt Caroline rundt for å ta nokre bileter slik at vi fekk sjå koss det såg ut Veldig flott!

Når eg no sit og skriv dette er vi på veg til Dublin. Vi gjekk i går klokka 09:00, og reknar med å vere framme i dag rundt klokka 14:00 Skal prøve å få plass heilt inne i byen slik at vi slepp å ta buss og greier inn til sentrum. Har hatt flott seglføre i dag, og fekk endeleg lufta Genakeren igjen. Vinden løyar mykje no på natta, så det spørst om det ikkje blir motorføre resten.

Er forresten litt uvant å gå langs land igjen. Masse lys og trafikk å følgje med på. Og så har du tidevatnet. Med 5,5 knop igjennom vatnet varierte GPS-farten frå 3,5 til 7,5 knop! Når vi går så lange distansar som no jamnar det seg no ut, men vi lyt nok til å time avgangen litt for kortare distansar framover…

Vi har ikkje heilt 100% plan for framdrifta oppover no, men ser at intensjonen vi eigentleg hadde om å rekke heim til Florø 27.juni ikkje held. Det blir rett og slett for lita tid til Irland og Skottland. Vi har difor endra ETA (Estimated Time of Arrival) til laurdag 4.juli. Men som alltid når ein fer rundt i ein seglbåt, det er vær og vind som avgjer (samt at vi kanskje enno er litt på Caribbean time), men dersom føret over Nordsjøen blir bra er det altså det som er planen no..