Mannskapet i boks, Benny stiller!

No er det feststemning ombord! Vår gode ven (og fetter) Benny stiller sjølvsagt opp. Har prøvd å få tak i han lenge, men hadde vist feil nummer. I dag fekk eg det rette, og han er sjølvsagt med!

Samtalen gjekk omtrent slik:

– Hei Benny, har du ferie?
– Ja
– Kom til England og segl over Biscaya med oss då!
– England, regner det ikkje der då?
– Ehh… jo… men vi skal jo segle til Spania. Der er det 28 grader og sol!
– Åja, skal vi det… ja det må vi vel få til, kor i England skal eg fly til?

Ærevære spontane sjeler! Dette er andre gongen på to år at Benny hiv seg rundt for å segle litt med oss. I fjor låg vi i Strømstad og skulle over til Skagen. Kom på at Benny var i Danmark. Ringte han, og dagen etter var han på vei!

Arnt var i butikken når eg snakka med Benny. Sendte han gladmeldinga, og han bytta sporenstreks innhaldet i handlekorga. No har vi nett kosa oss med fløytesurra kotelettar etter ei oppskrift som bestefar pleide å bruke, og stemninga i Tempest er på topp. Som de ser av bildet er det ikkje første gong Benny trimmar segl ombord i denne skuta, så dette kjem til å gå unna, Spania – here we come!

No blir det nøye overvaking av veret framover dei neste dagane, vi tar ingen sjansar og går ikkje dersom vi ikkje får dei meldingane vi vil ha. I tillegg held vi også kontakten med båten S/Y Good Mood som ligg i Falmouth og ventar. Vi kjem til å prøve å gå nokolunde samstundes, også det for å ha litt ekstra sikkerheit.

Arnt og Sten – glad i fetter Benny!

PS: Takk også til Rolf og Anne Sofie for helsing. Kjempegøy at slekta stiller i LasPalmas! Vi gler oss stort 🙂